كلام صعايدة

(1)
يا اللي زمانك مضي
وطغيت على الملايين .....
حكمت فيهم كلاب ..... بيهربوا الملايـــين
جمال جمالك قهرنا...
شيلنا طين على طيـــن
وكلام سوزانك هبلنا .... يا سلطة النساويــن
* * *
(2)

تلاتين سنة رعب عشنا، والعمر كام تلاتين .....
يعني بصريح العبارة : ضيعت جيل ياحزين!!!!
التوبة مفتوح بيبانها لناس كتير ظالميـــــن
بس انت رد المظالم ........ أولهم التلاتــيـــــــن
رجع شباب راح وولى
في عذاب وذل مهين
رجع لي أخويا اللي مات في خناقة على رغيفـين
ضيعت جيل ياحزين!!!!
* * *
(3)

انت زرعت المظالم
والطرح كان لك شين
ياما ظلمت البرايا
وجنيت علي المساكيـــن
ياما عيون عايزة تبكي، والدمع فيها سجين
..... فقر وبطالة ومرض....
والأكل مش لاقييـــــن
ضيعت جيل ياحزين!!!!


* * *
(4)

دلوقتي جا دوري.....
أسأل:
صابر بقالي سنين...
كاتم سؤالي في صدري ، لما أوانه يحــين ))
جربت نوم الشوارع .. بردان بلا بطاطين؟؟!!...
ولا شوفت مرة عيالك
بيصرخو جعانين.....!!!.
ضيعت جيل ياحزين!!!!
أسأل:
…..
أو رحت يوم قسم شرطة طلعوعليك اتنين...؟؟
وطلعوك من هدومك سهرو عليك ليلتين
شبحوك وجابو العصايا.. ودخلوها فين؟؟!!!
--- وتقول رجولتي ياباشا- يسب لك 100 دين!!
ضيعت جيل ياحزين!!!!

* * *
(5)

صفوت وعز ونظيفك
قلبولك الموازين ...
والعادلي رافع سلاحه...
سجان على مساجين
بإشارة منك وإذنك
مسكوا البلد قيدوها بحبل ظلم متيــن ....
واحكم ياريس براحتك.. حكمك علي نايمـين
والظلم زاد والمفاسد وضحت بلا براهين...
وانت في قصرك يا ريس بعيد عن الميادين
.......
ضاع البلد ياحزين !!!!!

* * *
(6)

الشعب قامت قيامته ، وانفجرت البراكـــين
قلبوا عاليها واطيها
وقالو مش راجعــين
أمريكا باعتك في لحظة واتفرقو الخاينــين...
والعادلي نصب الكماين في كل حارة كميــــن
وتقولو: مجموعة خونة ضد الوطن والدين....
...........
مين اللي باع أرض مصر بالمتر والفداديـن ؟؟؟!!!
مين اللي صافحك ياليفني ونسيك يافلسطين ؟؟؟!!
مين اللي بيضخ غازه ........مواسيره واصلة رابين ؟؟؟
مين .....؟؟؟؟
ضاع البلد وخربتها ياحزين !!!!

* * *
(7)

اطلق رصاصك ياعادلي وطلع المساجين...
والدم يجري جداول
والخلق فيه عايميين
ذنب اليتامي في رقبتك
..... قاعد ليوم الدين...
رب العباد مش بيغفل..ولاينصر الظالمين
وسرايا يكتب يدون أكاذيب علي الجرانين ....
وأنس يقوله: عفارم !!!!
إعلام حكومي أميــن .....!!!

* * *
(8)

اكتب واقول : ايه ياعالم ؟؟؟!!!
والعن في مين ولا مين ؟؟؟
………..
دي حكاية ملهاش نهاية
وأجيب منين دواوين !!!
فرعون زمانه مضى ..
طلعوا لنا فراعيــــن ..
والحق هو اللي باقي
يا ثورة الملايــين
يا ثورة الملايين


* * *