جهاد ابو عواد

(جهاد ابوعواد)

يأتي ابو عواد الى البيت وكعادته بعد كل وجبة يضع التلفاز على قناة معينة تثير الحماس وتذيع اخبار المقاومة

ا- هين ول هين وين الجاي....شكون هو باجه ....خلصينا
م- جاية...جاية...بس احط الكاسات.....
ابوعواد يكلم نفسه وهويشاهد القناة
ا-عليهم ...عليهم ..الله يلعن اسرائيل على ابو امريكا على اخت انكلترا
م- هذا الجاي اشبي بصلتك محروقة ...اشصار عليك
ا- ول هو الواحد يشوف هلمناظر ويظل بي عقل ...وين الامة وين الرجال ...وين
م- استر علينا انت بيك ضغط لا يصير عليك شي ...وابتلي
ا-هاي انت ما يهمك الا نفسك....والظغط على هل المساكين ما يهمك ها
م- والله كلوبنا معاهم وقعد ندعيلهم...وهذا النقدر عليه---واالشباب مومكصرين
ا- ايه بس لازم احنا ما نسكت ....وبس نتفرج
م- ابو عواد انت شايب مكحكح ....ومايطلع معاك شي...بس تحرق بدمك
ا- يولي اني شايب ....والله لو بس واحد يوصلتي لهناك الا اشعلها
م-والله عود شخاط ما تقدر تشعل ....اني الي اعرفك ..ياحسرة عليا....!!!!!
ا- ايه صبي جاي وبلا فلسفة .......مو قلتولك ما يهمك الا نفسك
م- تهمم بكلام غير معروف لنا فقط النسوان هن الذين يفهمون........
ا- عليهم يا شباب عليهم الله يلعن ابو الانكليز العلوج...اللهم هد طغوتهم وافكرهم يارب
م- اشرب الجاي لا يبرد.... وتسويلي هوسة انوبة
ا-والله خوش جاي ...موتخديرج الزين ...هذا الوزة مو حي الله...(صناعة انكليزية)
م-ايه صحتين وعافية .....على قليبك
ا-ولد الحرام هل امريكان منين يجيبون الاسلحة مدري ...الله لا يوفقهم
ويسحب سكارة ملبورو اصلي ويشعلها .....(صناعة امريكية)
م-والله هالدخان وهل الجاي هو المرخييك ....كافي اتركو لا يموتك
ا- والله محد راح يموتني غيرك يابومة....اقولك الجهاد تقوللي انت شايب ومرتخي
م- زين شكو ن طالع بايدك ....بس شاعلها نار على راسي ...اووف
ا-يم عواد والله مقدر بية نار تحرك بلد آه..آه ..بس لو اصل لهناك... الا اخلي طشارهم مالو والي
وفي هذه اللحظات يدوي صوت انفجار قوي بالخارج ..وتهرع ام عواد لترى ماذا حدث ثم تعود ولم تجد ابو عواد
م- وين راح هذا توي كان هون شكون اختفى....ابو عواد ....ابو عواد ...وينك
تسمع ام عواد صوت انفاس متسارعة وقوية صادرة من مكان ما ...تذهب لترى مصدر الصوت
م- اطلع ابو عويد ....اطلع من جوى الطاولة ...لا تفرط عليا ..ما بي شي هذا صوت دولاب تركتر طك....
راح اجيبلك حبوب الضغط....قال مجاهد ....قال

( القصه منقوله)(انتهى)


لكم تقديري