يا صاح صار الوضع لعب وطرد مهزلة
والخاف جدمه تزل ما هو ضرب مهزلة
واگول يبقى الاصل بجذور هم مهزلة
يا عون گلبي شحمل آهات بضلوعي
واندار بيدك اظل جف صاح بضلوعي
من جيت اسأل عدل گالولي بضلوعي
حبيت قاضي يصف من عدلة بعدالي
تثبيت راي وبعد بالنضر بعدا لي
وتقييم بيه استحق بالوصف بعدالي
وآني الجنت انقهر من عشرتك ثاري
قصدي نويت ابتعد واطعن سهم ثاري
وانطي عذر للزمن يطفي وهج ثاري
وامشي متأمل اظل متجنب اخطاري
واحلف بعد منكسر لاشخاص واخطاري
وابقى ملازم قلم لو علنوا اخطاري
جربت كل السبل لارضاء عدواني
وظليت بيد الزمن واخوان عدواني
شفت السبل تعتزم للضيم عد واني
صفيت شبه الملح لجروح متروسة
وجبال بية الزعل صدكني متروسة
موال صاح الوكت خليه متروسة
فوك الارض للسما لحمول شيالة
هذا الدهر ما حسم احداث شياً له
وآنا الصرت للبحر اسرار شيالة
من عمري ضاع العمر يا صاح وشجاني
كثر الالم بالجرى يا ربي وش جاني
فوگ الحمل والقهر بطران وش جاني
ويكلي انت الذي لفعال وصلته
ما يدري بية شجرى شرياني وصلته
خليت روحي بحبس للروح وصلته
واغديت شبه الشجر من لبة ماكولة
انسليت جلد وعظم من مثلي ماكو لا
المبطون يمكن يفض نعناع ماكولا
وبشوفي يجري جري بخيول ما صولة
يوگف شوية ويظل بالناس ماصولة
يمشي متبخر ولا لو يوم ماصولة
لكمة بالحاضر تجي وياه بسهولة
وهوال من يبتعد المال بس هولة
جوعان فارغ ولا شبعان بسهولة
ميال طول العمر للكيف متشكل
فاجاه ابسط بشر لصفار متشكل
لو دار بيه الزمن لطراد متشكل
ويعوف بينا الاعز وايغوص بنيابو
ماضي بزين الفعل نكران بنيابو
لا يوم حسب ابد من كول بن يابو
سوى الردية ومشى لجدود دساسة
عرك النبت بالغلط بالشوگ دساسة
مالو أظن منزلة بورود دس آسه
الزين ما ينترك لذياب مسعورة
والصار فاسق اظن برخاص مسعورة
السباع خليت اظن بالسوح مس عورة
سجان صار الاخو لعشار معشاري
لو شاف بيع وشرى لوطان مع شاري
لا هو شرى المشتري ولا بيع مع شاري
بعناد شايل حجر بگلوب جناية
سبق واصرار الحكم للذبح جناية
الدنيا مو جنتي ياصاح جناية
اضحك صدق من فرح مو من فرض مهزلة0000!
موضوع: مهزلة 
14/8/2009, 1:51 am
